VV e familja Dehari kanë kërkesë për hetuesinë në lidhje me rastin Dehari [video]

10 Nëntor 2016 - 19:10      

Ndërprerjen e hetimeve për vdekjen e dyshimtë të Astrit Deharit e ka kërkuar familja e tij dhe Lëvizja Vetëvendosje. Hetimin për të, Dardan Molliqaj ka thënë se nuk mund tua besojnë personave të zgjedhur nga klani “Pronto”, raporton KTV.

Molliqaj ka rikujtuar një prej përgjimeve të serisë “Pronto”, ku flitej për emërimin e kryeprokurorit të Prizrenit, Sylë Hoxha, duke vazhduar me deklaratat kontradiktore të drejtorit të Policisë, Nexhmi Krasniqi.

Molliqaj ka thënë se gjyqtari Vehbi Kashtanjeva ka gënjyer kur ka thënë se nuk ka pasur kërkesa për vizita te qendra e paraburgimit në Prizren, ku mbahej Dehari.

Në anën tjetër, në Rubikon të KTV-së, përfaqësuesi ligjor i familjes Dehari, Tomë Gashi, ka shpalosur detaje për provat që janë gjetur në dhomën e të ndjerit, si dhe nga autopsia.

Kryeprokurori Sylë Hoxha, po në Rubikon, ka shprehur zotimin për të ndriçuar rrethanat. 26-vjeçari Astrit Dehari vdiq në rrethana të dyshimta në Qendrën e Paraburgimit në Prizren.

© KOHA. Të gjitha të drejtat janë të rezervuara.