Hekurudhat kanë ndikim në zhvillimin ekonomik të Kosovës

10 Nëntor 2016 - 15:31      

Prishtinë, 10 nëntor - Ministri i Infrastrukturës, Lutfi Zharku, ka pritur sot kryesuesin e Bordit të Autoritetit Rregullativ të Hekurudhave të Kosovës, Arsim Berisha dhe anëtarë të tjerë.

Sipas njoftimit për këtë takim, ministri Zharku i shprehu atij përkrahjen e tij të plotë në postin që është zgjedhur.

“Ne do të vazhdojmë bashkëpunimin e mirë institucional, në mënyrë që të zhvillojmë infrastrukturën e hekurudhave të Kosovës deri në funksionalizimin e tyre të plotë”, tha ministri Zharku.

Në këtë takim u diskutua për procesin e ndryshimit të Ligjit mbi Autoritetin Rregullativ të Hekurudhave.

Po ashtu u diskutua për ndikimin që kanë Hekurudhat e Kosovës në zhvillimin ekonomik të vendit.