Ramadani thotë se vdekja e Deharit është edhe çështje e sigurisë shtetërore

9 Nëntor 2016 - 21:04      

Eksperti i sigurisë Burim Ramadani, në “Rubikon” të KTV-së, ku u debatua mbi rastin Dehari, ka kërkuar nga kryeprokurori Hoxha dhe avokati Gashi masë të shtuar të transparencës.

Sipas Ramadanit, nuk mjaftojnë një ose dy deklarata, pasi rasti është i ndjeshëm dhe ka të bëjë me sigurinë shtetërore, transmeton Koha.net.

“Transparenca është elementi themelor këtu sidomos të kryeprokurori. Është jashtëzakonisht shumë e rëndësishme të dihet secili hetim, secili element, normalisht pa e dëmtuar hetimin. Kjo nuk është vetëm çështje e familjes, por çështje e sigurisë shtetërore. Kjo është një situatë, në të cilën nuk kalohet vetëm me një ose dy deklarata. Konfuzioni që ditët e fundit është duke u rritur me të madhe dhe kjo e dëmton”, ka thënë Ramadani.

Eksperti i sigurisë theksoi se sot çdo qytetar i Kosovës pyet nëse është i sigurt në këtë shtet dhe në duart e këtij shteti.

“A jam i sigurt në këtë shtet, për më tepër, a jam i sigurt në duart e shtetit”, shtoi tutje Ramadani.

© KOHA. Të gjitha të drejtat janë të rezervuara.