Musliu: Duhet qartësohet fakti pse Dehari nuk ishte konsultuar me psikolog

9 Nëntor 2016 - 20:54      

Spekulimet e teoritë e përhapura në media dhe individë apo grupe të caktuara nuk e ndihmojnë as hetimin e as familjen. Eksperti i sigurisë Agim Musliu në “Rubikon” të KTV-së theksoi se domosdo duhet të pritet versioni zyrtar dhe nuk duhet lëshuar në komente tjera rreth ngjarjes.

Musliu ka thënë se duhet të qartësohen faktet pse ai nuk ishte konsultuar me psikologun, nëse është bërë kontrolli nga gardiani gjatë asaj kohe dhe nëse Dehari ka vdekur në qeli, rrugës apo në spital, transmeton Koha.net.

“Nëse ka dhënë shenja se nuk është në disponim të mirë pse nuk është konsultuar psikologu. Pse nuk është kontrolluar nga një gardian zyrtar. Dihet që dhomat e kanë një xham të vogël, i cili është metal e që në raste të tilla, kur një i paraburgosur, i lihet xhami apo hapësira në derë hapur dhe kontrollohet herë pas here nga xhami. Së dyti, sasia e gjakut në trupin e të ndjerit a mungon pasi sipas përshkrimit të kryeprokurorit dhe avokatit sasia e gjakut është e madhe edhe në objektet që është gjetur, a është ekuivalente me humbjen e gjakut”, ka thënë Musliu.

© KOHA. Të gjitha të drejtat janë të rezervuara.