Kosova ngec në zbatimin e MSA-së

9 Nëntor 2016 - 07:00      

Institucionet shtetërore kanë dëshmuar ngecje në zbatimin e Marrëveshjes së Stabilizim-Asociimit (MSA). Kanë kryer vetëm një të tretën e gjithë detyrave që burojnë nga kjo marrëveshje, shkruan sot Koha Ditore.

Ngecjet janë evidencuar në Raportin mbi përmbushjen e Programit Kombëtar për Zbatimin e MSA-së (PKZMSA), që i referohet gjysmës së parë të vitit 2016, e një kopje të së cilit e ka siguruar gazeta të martën. Programi ishte miratuar nga Qeveria në gjysmën e dhjetorit të vjetëm, e edhe nga Kuvendi gjatë muajit mars.

Sipas këtij dokumenti, që ligjërisht është i detyrueshëm për të gjitha institucionet e Kosovës, secili organ i administratës shtetërore është përgjegjës për zbatimin dhe monitorimin e zbatimit të tij në kuadër të fushëveprimit të kompetencave, ashtu siç parashihet në kuadër të matricës së masave afatshkurtra.
Programi përmban gjithsej 1.374 masa në total, prej të cilave 304 sosh legjislative dhe 1.070 të tjera masa zbatuese. Nga to, 89 masa kanë qenë të planifikuara të realizoheshin brenda tremujorit të dytë.
(Shkrimin e plotë mund ta lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.