Delawie: Do t’i festoj vlerat tona demokratike të përbashkëta

8 Nëntor 2016 - 22:50      

Ambasadori i Shteteve të Bashkuara të Amerikës në Kosovë, në pritjen e organizuar nga Ambasada me rastin e mbajtjes së zgjedhjeve presidenciale në SHBA, Greg Delawie ka thënë se kjo është dita më e rëndësishme për Amerikën.

“Pa dyshim sonte nuk mund ta dimë se kush do të bëhet presidenti i ardhshëm i Amerikës, kjo do të bëhet e ditur në orët e para të mëngjesit. Por, më besoni, unë do të jem zgjuar dhe duke pritur. Sonte nuk është aq e rëndësishme se kush do të fitojë, aq sa është i rëndësishëm procesi zgjedhor. Unë do t’i festoj vlerat tona demokratike të përbashkëta”, tha ambasadori Delawie.

Ai shtoi se sonte do të jetë një natë e gjatë zgjedhore.

“Edhe ju që nuk do të votoni, do të keni mundësi të ngrini zërin tuaj, në atë se kush do ta zëvendësojë Presidentin Obama në krye të shtetit. Rezultatet e para do të dalin sonte rreth orës 11:30. Gjithashtu do të keni mundësi të shihni se si ecën ky proces, përfshirë enigmën e Kolegjit elektoral”, tha Greg Delawie. 

© KOHA. Të gjitha të drejtat janë të rezervuara.