SHKK “i shqetësuar me deklaratat e Vetëvendosjes”

8 Nëntor 2016 - 18:27      

Përmes një kumtese për medie , Shërbimi Korrektues i Kosovës, shpreh shqetësimin e thellë për deklaratat dhe akuzat, e pabaza thotë kumtesa, të adresuara ndaj zyrtarëve të Shërbimit Korrektues në Qendrën e Paraburgimit në Lipjan, transmeton Koha.net.

Shërbimi Korrektues i Kosovës, në kumtesë thotë nuk ka asnjë "terrorizim" apo sjellje të pahijshme të zyrtarëve korrektues ndaj të paraburgosurve.

Të paraburgosurit nuk “po enden nëpër zyra të ndryshme” siç po pretendon Lëvizja Vetëvendosje, por po dërgohen për ekzaminime të rregullta si pjesë e procedurave të paraburgimit, shton kumtesa .
Sipas kumtesës, Shërbimi Korrektues ka marrë masa shtesë mbikëqyrëse dhe të kujdesit ndaj të paraburgosurve. Kujdesi i shtuar i zyrtarëve korrektues, është në funksion të sigurisë së të paraburgosurve dhe asnjëherë nuk ka tendenca keqtrajtimi.
Në fund kumtesa thotë se “për hir të transparencës, Ministria e Drejtësisë fton Zyrën e Avokatit të Popullit dhe KMDLNJ-në që të bëjnë vizita në Qendrën e Paraburgimit në Lipjan dhe të verifikojnë gjendjen e të paraburgosurve dhe sjelljet e zyrtarëve korrektues”.

© KOHA. Të gjitha të drejtat janë të rezervuara.