Kroacia do ta mbështesë Kosovën në liberalizimin e vizave

8 Nëntor 2016 - 12:53      

Kryetari i Kuvendit të Republikës së Kosovës, Kadri Veseli, priti sot në takim ambasadoren e Kroacisë në Kosovë, Marija Kapitanoviq, me të cilin diskutoi për marrëdhëniet e shkëlqyera midis dy vendeve, sidomos në rrafshin parlamentar.

Përmes një komunikate bëhet e ditur se temë e veçantë e këtij takimi ishin hapat që po ndërmerr Kosova në rrugën e integrimit evropian, me theks të veçantë, procesi i liberalizimit të vizave për qytetarët e Kosovës.

Duke e vlerësuar të domosdoshëm këtë hap, Veseli ka thënë se BE-ja padrejtësisht po i mbanë të izoluar qytetarët e Kosovës, transmeton Koha.net.

Kurse Kapitanoviq është shprehur se Kroacia mbështet liberalizimin e vizave për qytetarët e Kosovës dhe do të japë kontributin e saj në politikën e jashtme për anëtarësimin e Kosovës në organizata të ndryshme ndërkombëtare.

© KOHA. Të gjitha të drejtat janë të rezervuara.