“Skadarlija” e Beogradit u kopjua nga ajo “Kol Idromeno” në Shkodër

7 Nëntor 2016 - 14:00      

Tiranë, 7 nëntor – Historiani dhe restauratori në Qendrën e Studimeve Albanologjike në Shqipëri, Frederik Stamati, sjell në vëmendje një ndodhi historike që lidhet me qytetin e Shkodrës.

Gjatë një udhëtimi në Beograd ai prezanton rrugën e shkodranëve, e njohur si “Skadarlija”, në kryeqytetin serb.

“Një variant i ekzistencës së kësaj rruge atje është se disa beogradas kanë qenë në Shkodër nga fillimet e shek XX, kanë parë rrugën “Kol Idromeno”, u ka pëlqyer dhe deshën që ta kishin edhe ata një të tillë“, tregon Stamati.

Dhe kështu u ndërtua rruga “Skadarlija”.

Në një guidë të Beogradit thuhet se kuartieri i famshëm bohemian “Skadarlija” është ndërtuar në fund të shek XIX dhe fillimit të shek XX, në atë kohë kur tavernat u bënë vend takimesh të emrave më të famshëm kulturorë të Beogradit.

“Skadarlija”, shpesh here krahasohet me Montmartrene e Parisit për paraqitjen, gëzimin, gjallërinë dhe atmosferën kreative.