Zyrtari i ministrisë kërcënon me padi nëse nuk gradohet në pozitë që thotë se e meriton [video]

6 Nëntor 2016 - 22:30      

Rushit Rushiti, që mban pozitën e zyrtarit të asistencës sociale në Ministrinë e Punës dhe Mirëqenies Sociale në Mitrovicë, kërkon të gradohet dhe të kalojë në zyrën e shërbimeve sociale.

Ai thotë se është diplomuar para 5 muajsh dhe automatikisht gradimi është i arsyetueshëm.

Ai thotë ta ketë përkrahjen edhe nga kolektivi e edhe nga Ministria e Administratës Publike, gradimin po ia pamundëson Rrahman Beqiri, udhëheqës i personelit në komunën e Mitrovicës.

Rushiti thotë se drejtori Beqiri çdo herë i ka thënë se nuk ka vend të lirë për këtë pozitë, por tash vonë e ka punësuar një tjetër person.

Nëse është nevoja, paralajmëron se do të bëjë padi edhe në gjykatë.

Por udhëheqësi i personelit në Komunën e Mitrovicës, Rrahman Beqiri, thotë se nuk është e vërtetë ajo çfarë ka thënë nëpunësi Rushiti, pasi sipas tij, nuk është vetëm diploma që determinon ngritjen në pozitë të stafit.

Beqiri po ashtu thotë se gradimi nuk mund të bëhet pa përfillur procedurat ligjore.

© KOHA. Të gjitha të drejtat janë të rezervuara.

Zyrtari i ministrisë kërcënon me padi nëse nuk... by kohanet