Muharremaj: Pjesëmarrja në seanca e komisione nuk mjafton

6 Nëntor 2016 - 17:28      

Deputeti Bali Muharremaj, njëherësh kryetar i degës së AAK-së në Suharekë, i cili bashkë me aktivistë të AAK-së sot kanë ndërmarrë një aksion për rregullimin e “parkut të dëshmorëve” të Suharekës.

“Sot rregulluam hapësirën tek varrezat e dëshmorëve. Rregulluam muret, ndriçimin, ujin, pastruam hapësirën e gjelbëruar dhe shumë çka tjetër. Vullneti dhe angazhimi i qytetarëve therandas, i rinisë, punëtorëve bëri që kjo hapësirë të marrë pamje krejt tjetër”, ka thënë Muharremi.

“Si deputet e kam menduar e vlerësuar, se vetëm pjesëmarrja në seanca të kuvendit dhe komisione, është e pamjaftueshme. Unë do të jem afër qytetarëve dhe bashkë me ta, do ta rregullojmë ambientin tonë publik. Është e lehtë kur rrethohesh nga qytetarë punëtorë siç i ka Theranda. Do të vazhdojmë edhe më tutje...!”, ka thënë më tej ai.

© KOHA. Të gjitha të drejtat janë të rezervuara.