Shqiptarëve në Amerikë nga Prishtina u kërkohet që të votojnë për Clintonin

6 Nëntor 2016 - 16:36      

Hillary Clinton duket se ka përkrahës edhe në Kosovë. Për ta mbështetur familjen Clinton, sot në Prishtinë është organizuar një manifestim me moton “Së bashku për Hillary Clintonin”, ku iu bë thirrje të gjithë shqiptarëve në Amerikë që ta votojnë kandidaten demokrate, Hillary Clinton.

Manifestimi është organizuar nga shoqata “EnergyPlus”. Kryetari i kësaj organizate, Fatmir Muçolli tha se qëllimi i kësaj fushate është që zëri i vullnetit pozitiv të përcillet tek ajo çka ka bërë familja Clinton për popullin e Kosovës.

Fatmir Muçolli, i cili jeton dhe vepron në Gjermani, ka ardhur përkohësisht në Kosovë që të organizojë disa aktivitete në përkrahje të kandidates së demokratëve amerikanë.

Kurse, përfaqësuesi i Ansamblit dhe Valleve dhe këngëve “Dëshmorët e Kombit”, nga Kastrioti, Besnik Grajcevci tha se i gjithë ky manifestim është dëshmi se ku është vullneti pozitiv nuk ka asgjë që nuk mund të ndryshohet.