Clinton vs Trump dhe lidhja e tyre me Kosovën [video]

5 Nëntor 2016 - 23:08      

Zgjedhjet presidenciale në SHBA si zgjedhjet e botës, vijnë me një seri artikujsh si temë e javës, këtë të diel me Koha Ditore.

Në ta do të mund të lexoni, për jetën e dy kandidatëve, Hillary Clinton dhe Donald Trump, skandalet e fushatës dhe për dallimet e qëndrimeve të tyre për Kosovën.

Duke qenë presidenti më përcaktues në gjithë botën, zgjedhjet presidenciale në SHBA, kanë bërë që të gjithë t’i kthejnë sytë kah Amerika.

Për zgjedhjet në SHBA si ndoshta më të rëndësishmet amerikane të të gjitha kohëve, do të lexoni në një intervistë me financierin në Wall Street, Uk Lushin.

Nga bota, do të njiheni me Donald Trumpin dhe Hillary Clintonin që nuk kandidojnë për president, dhe me kohën kur Clintonët dhe Trumpët ishin miq.

Më tutje do të lexoni një reportazh për traditën e Fishtës përmes ushqimeve tradicionale, dhe një tjetër rreth lotarisë për ëndrrën amerikane.

Në faqet e kulturës do të njiheni me kohën në portretet e piktores së parë të Kosovës, si dhe me muzikantin që vazhdon misionin e maestros Menuhin.

Për besimin në fillimin dhe fundin e çdo gjëje do të lexoni te 7 shkronjat e skenaristit Zymber Kelmendi, kurse te monumenti, do të njiheni me shtëpinë që ruan arkitekturën e moçme të Rahovecit.

Ndërkaq ndjekësit e sportit do të lexojnë për qendrën e Pejës që mburret me gjyshin kampion i pesëfishtë me Lakersat dhe me rrëfimin e Driton Krasniqit për triumfin mbi të keqen në Beograd.

Këto dhe artikuj të tjerë nga teknologjia, moda dhe kinematografia, mund t’i gjeni në numrin e nesërm të Kohës Ditore. 

© KOHA. Të gjitha të drejtat janë të rezervuara.

Clinton vs Trump dhe lidhja e tyre me Kosovën by kohanet