Apostolova diskuton me ministrin Yagcilar për reformën në administratë publike

4 Nëntor 2016 - 16:29      

Ministri i Ministrisë së Administratës Publike, Mahir Yagcilar, ka zhvilluar një takim me shefen e Zyrës së BE-së në Kosovë, përfaqësuesen e posaçme të BE-së, Nataliya Apostolova, të cilës i uroi mirëseardhje në Kosovë dhe suksese në mandatin e saj të ri.

Yagcilar theksoi rëndësinë e bashkëpunimit të ngushtë dhe mbështetjen e ofruar nga Bashkimi Evropian për proceset e Reformës së Administratës Publike, në veçanti duke pasur parasysh rëndësinë e Reformës së Administratës Publike në rrugën e Kosovës drejt integrimit në BE, transmeton Koha.net.

Apostolova, sipas komunikatës ministrore, pasi u shpreh mirënjohës për mikpritjen falënderoi ministrin për mundësinë e diskutimit të një çështjeje kaq me rëndësi për Kosovën siç është Reforma e Administratës Publike.

Bashkëbiseduesit diskutuan në mënyrë të detajuar lidhur me ecurinë e proceseve reformuese në institucionet e Kosovës, në veçanti për rëndësinë në qasjen në shërbime administrative, llogaridhënien, OJQ-të, interoperabilitetin, që do të shërbejnë në të mirë të qytetarëve të Kosovës.

© KOHA. Të gjitha të drejtat janë të rezervuara.