Lista Serbe pret edhe shumë reagime kundër Ligjit për Trepçën

4 Nëntor 2016 - 09:54      

Shefi i Grupit të Deputetëve të Listës Serbe Slavko Simiq thotë se pret inicimin e proceseve gjyqësore nga aksionarët dhe kredidhënësit e Trepçës kundër Qeverisë së Kosovës . Ai thotë , transmeton Koha.net, se kërkesat e kredidhënësve janë rreth 300 milionë euro.

Slavko Simiq, duke folur në rts, ka thënë se kërkesa e Dhomës Speciale e Gjykatës Supreme të Kosovës që të anulohet Ligji për Trepçën, është njëra nga dëshmitë se menaxhmenti, punëtorët e Trepçës si dhe përfaqësuesit politikë, kanë pasur të drejtë kur bënë ankesë në Gjykatën Kushtetuese të Kosovës, siç ka thënë ai, për shkak të këtij ligji të dëmshëm që s’i ka mbrojtur interesat vitale të bashkësisë serbe dhe që ka shkelur të drejtat e punëtorëve, aksionarëve dhe kredidhënësve.

"Përfaqësuesit politikë serbë presin që lidhur me këtë Ligj të deklarohen edhe e instancat tjera që në ekipet e veta kanë njerëz me integritet moral e shkencor dhe të kërkojnë nga Kushtetuesja që Ligjin ta shpallë të antikushtetues", ka thënë Simiq,
Ai pret “reagim zinxhir” dhe inicimin e proceseve gjyqësore nga aksionarë e kredidhënës të Trepçës kundër Qeverisë së Kosovës.

© KOHA. Të gjitha të drejtat janë të rezervuara.