Nehat Thaçi do të vazhdojë punën në Policinë e Kosovës

3 Nëntor 2016 - 14:28      

Policia e Kosovës përmes një kumtese ka njoftuar se Nehat Thaçi, mbajtur në paraburgim në Serbi 34 ditë ( 28 shtator – 1 nëntor 2016), do të vazhdojë punën në Policinë e Kosovës, pa treguar nëse ai do ta ushtrojë detyrën e drejtorit të Policisë rajonale në Mitrovicë, transmeton Koha.net.

Në këtë kumtesë thuhet:

Me qëllim të informimit të drejtë të opinionit pas lirimit të nënkolonel Nehat Thaçi ju njoftojmë se nënkolonel Nehat Thaçi do të vazhdojë punët dhe detyrat në kuadër të Policisë së Kosovës, duke qenë i përkushtuar dhe profesional në përmbushjen e të gjitha objektivave në të mirë të rendit, ligjit dhe sigurisë publike.

Në asnjë rast arrestimi i tij nga ana e autoriteteve serbe nuk do të ndikojë në motivimin, profesionalizmin dhe përkushtimin e tij për t’iu shërbyer të gjithë qytetarëve të vendit pa dallim, duke përfshirë edhe komunitetin serb.

© KOHA