Kush do të marrë më së shumti nga buxheti 2017 [video]

2 Nëntor 2016 - 19:11      

Investimet në infrastrukturë, fondet për çështje sociale dhe pensionet do ta marrin buxhetin më të madh në vitin e ardhshëm, raporton KTV.

Edhe për vitin e ardhshëm, institucionet do të kenë një numër të madh të investimeve që do të vazhdojnë nga ky vit.
Përkundër se është trumbetuar të jenë marrë masa për të mos bërë shpenzime në blerje të veturave, ky trend nuk do të mund të ndalet as në vitin e ardhshëm.

Për këtë kategori do të shkojnë me mijëra euro si nga buxheti i ministrive, ashtu edhe nga i komunave.
Duket se inatet e krijuara nga ankesat e ish-ministrit të Integrimeve Evropiane të kenë ndikuar në uljen e buxhetit për këtë ministri.

Ulje të ndjeshme të buxhetit do të ketë edhe Ministria e Zhvillimit Ekonomik dhe Komisioni Rregullativ i Prokurimit.
Në investimet kapitale kanë ndikuar shumë 24 milionët e transferuar nga Agjencia Kosovare e Privatizimit.

Ministria e Punëve të Brendshme ka vendosur t’i shpenzojë 500 mijë euro për ngritjen e sigurisë kibernetike.
Ndërkaq, ministria e Jashtme, 800 mijë për sistemin e Sigurisë së Komunikimit mes kësaj ministrie dhe misioneve diplomatike.

Kush do të marrë më së shumti nga buxheti 2017 by kohanet

© KOHA. Të gjitha të drejtat janë të rezervuara.