Krejt çfarë ndodhi sot në seancën gjyqësore ndaj deputetëve të Vetëvendosjes [video]

2 Nëntor 2016 - 19:07      

Mungesa e deputetit të ‘Vetëvendosjes’, Albin Kurti, në shqyrtimin kryesor ka bërë që të shtyhet seanca ndaj tij dhe tre të akuzuarve të tjerë, deputetë të VV-së, raporton KTV.

Në Gjykatën Themelore të Prishtinës kanë qenë të pranishëm, Albulena Haxhiu, Donika Kadaj-Bujupi dhe Faton Topalli.
Rasti ka të bëjë me gjuajtjen e gazit lotsjellës në Kuvend dhe deputetët akuzohen për përdorim të vazhdueshëm të armës dhe pengim të personit zyrtar.

Topalli akuzohet edhe për posedim të palejuar të armës.
Kryetarit i trupit gjykues, Beqir Kalludra ka paralajmëruar se në rast të mungesës në seancën e radhës, atëherë do të lëshohet urdhër-arrest.

Deputetët kanë thënë se nuk dinë arsyet e mungesës së bashkëpartiakut të tyre, Albin Kurtit, duke kërkuar që Prokuroria të heqë dorë nga akuza.

Dëshmitarë në këtë seancë do të duhej të ishin Blerta Deliu -Kodra dhe Flora Brovina, gjithashtu në cilësinë e të dëmtuarave, por ato nuk kanë qenë të pranishme në Gjykatë.

Krejt çfarë ndodhi sot në seancën gjyqësore... by kohanet

© KOHA. Të gjitha të drejtat janë të rezervuara.