Paralajmërohet urdhër-arrest nëse të akuzuarit mungojnë në seancën e radhës

2 Nëntor 2016 - 09:27      

Kryetari i trupit gjykues i udhëzon palët se nëse mungojnë në seancën tjetër atëherë do të veprohet bazuar në nenin 307, paragrafi i KPPRK-së. Pra urdhëresë për arrest. Dërgim në paraburgim e pastaj prej aty me i sjell në gjykatë, raporton KTV.

Seanca gjyqësore për rastin e hedhjes së gazit lotsjellës në Kuvendin e Kosovës është shtyrë për shkak të mungesës së deputetit Albin Kurti.

Kryetari i trupit gjykues Beqir Kalludra ka thënë se për shkak të mungesës së Kurtit është marrë vendim që të shtyjë seancën sepse nuk i ka plotësuar kushtet që të mbahet.

Dëshmitarë do të duhej të ishin sot Blerta Deliu Kodra dhe Flora Brovina, gjithashtu në cilësinë e të dëmtuarave, por ato nuk janë të pranishme në Gjykatë.

Në seancë kanë qenë të pranishëm deputetë Faton Topalli, Donika Kadaj-Bujupi dhe Albulena Haxhiu.

© KOHA. Të gjitha të drejtat janë të rezervuara.