Drenori: Ka rënë piramida politike në Drenas

1 Nëntor 2016 - 23:48      

Asamblisti i PDK-së në Komunën e Drenasit, Xhavit Drenori, ka thënë në emisionin “Interaktiv” të KTV-së se me konfirmimi i dënimit të Nexhat Demakut nuk i ka bërë mirë komunës, pasi sipas tij, ka lënë të pazgjidhura një numër të madh problemesh.

Me dorëheqjen e Demakut nga posti i kryetarit të Komunës, Drenori ka thënë se është ndalur jeta politike në Drenas

“Ikja e kryetarit nuk është e mirë sepse ka lënë prapa një numër problemesh. Kemi qenë në rrjedhën e punëve dhe tani jemi në një situatë të jashtëzakonshme. Është ndalur jeta politike në kuvendin komunal dhe në përgjithësi në Drenas”, ka thënë Drenori.

Drenori ka folur edhe për qeverisjen e Demakut në Drenas, për të cilën ka thënë se ka pasur shumë probleme, duke përmendur problemet në arsim.

“Është vjedhur para për letrat e tualetit nëpër shkolla. Është vjedhur edhe në anti-friz të shkollave. Janë këto raste që e kanë dëmtuar buxhetin e komunës në arsim”, ka thënë veç të tjerash Drenori.

© KOHA. Të gjitha të drejtat janë të rezervuara.