Fatmir Limaj përballet me 13 dëshmitarë

1 Nëntor 2016 - 07:16      

Dy deklarata, të dytën me vetiniciativë, i ka dhënë Fatmir Limaj në prokurori para se t`i ngrihet aktakuza për krime lufte rreth vrasjes së dy shqiptarëve, Ramiz Hoxha e Selman Binishi, më datën 2 tetor të vitit 1998 në Malishevë.

Në bazë të aktakuzës, të cilën e ka siguruar “Koha Ditore”, ai ka mohuar çfarëdo përgjegjësie rreth këtyre vrasjeve, duke thënë se, në rend të parë, kanë mundur të kryhen nga kushdo në emër të UÇK-së, pasi që ishin kryer nga persona të maskuar, shkruan sot “Koha Ditore”.

Ka thënë se nuk ka njohuri nën komandën e kujt kanë qenë fshatrat Bellanicë e Banjë prej nga janë marrë dy civilët dhe janë ekzekutuar në emër të UÇK-së, me arsyetimin se ishin “bashkëpunëtor të Serbisë”. Ai gjithashtu ka thënë se nuk ka qenë nën përgjegjësinë e tij për t’i hetuar këto vrasje, por e shtabit... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.