Djali i viktimës për të cilin akuzohet Limaj tregon se si ishin përballur me pushtetin serb

28 Tetor 2016 - 23:31      

Djali i Ramiz Hoxhës, për vrasjen e të cilit sot Fatmir Limajt i ka shkuar një aktakuzë, Fadil Hoxha është rrëfyer në “Interaktiv” të KTV-së.

Ai ka treguar se babai i tij ka qenë afarist për shumë vite në Slloveni dhe krejt vonë është kthyer në Bellanicë të Malishevës, pasi vetë ai, si djali më i madh, udhëheqte kompaninë në Slloveni, transmeton Koha.net.

Sipas Fadil Hoxhës, babai i tij Ramizi ka qenë atdhetar dhe kundërshtues i institucioneve jugosllave.

“Kontribut më shumë se Ramiz Hoxha nuk ka dhënë më shumë në fshat. Mund t’i pyesni të gjithë fshatin. Në vitin 1986 ka qenë i burgosur 60 ditë, sepse ka fyer organet e Lidhjes Socialiste të Jugosllavisë, sepse i ka sharë. Gjatë okupimit mua më ka detyruar babai që të blejë shkumësa dhe fletore për nxënës”, tregoi Hoxha.

I biri i Ramizit, thotë se disa herë kanë pasur probleme dhe ndalesa nga pushtuesi serb, që në rast se do të kishte marrëdhënie të mira babai i tij me ta, do t’i lironte pa problem.

© KOHA. Të gjitha të drejtat janë të rezervuara.