BE dhe EULEX deklarohen pas Rezolutës së Kuvendit

28 Tetor 2016 - 20:23      

Në një reagim të përbashkët të Zyrës së BE-së në Prishtinë dhe EULEX-it, është theksuar se në demokraci, Parlamenti është një vend për debat politik mbi çështjet kryesore me interes për qytetarët, ndërsa është kërkuar respekt i pakushtëzuar për vendimet gjyqësore dhe ndarjen e pushteteve.

Reagimi i Zyrës së BE-së dhe EULEX-it vjen pas miratimit të Rezolutës nga Kuvendi i Kosovës për mbrojtjen e vlerave të UÇK-së dhe debateve që janë zhvilluar në Kuvend.

“Ky debat megjithatë duhet të jetë gjithmonë me respekt të plotë të ndarjes së pushteteve gjyqësore, ekzekutive dhe legjislative, si themel i një demokracie. Zyrtarët e zgjedhur dhe autoritetet publike, duke përfshirë anëtarët e Parlamentit, duhet pra të përmbahen nga vënia në pyetje e zbatimit të vendimeve të çështjeve gjyqësore si dhe respektimin e sundimit të parimeve të ligjit, kërkon një respekt të pakushtëzuar për vendimet gjyqësore dhe ndarjen e pushteteve”, thonë Zyra e BE-së dhe EULEX-i.