Opozita me draft – deklaratë të përbashkët për viza [dokument]

28 Tetor 2016 - 15:42      

Kryetarët e Grupeve parlamentare të Vetëvendosjes e të Aleancës për Ardhmërinë e Kosovës dhe deputeti i Nisma-s , Glauk Konjufca, Pal Lekaj dhe Zafir Berisha, për Kuvendin e Kosovës kanë hartuar versionin e vet të draft – deklaratës për liberalizimin vizave, raporton Koha.net.

Deklarata e opozitës u hartua si kundërshtim i deklaratës së pozitës për viza.

Në këtë deklaratë të opozitës ndër të tjera thuhet se “do ta japim kontributin tonë në zgjidhjen e kontestit të demarkacionit me Malin e Zi përmes rishikimit e mbi bazën e fakteve dhe argumenteve që janë paraqitur”.

Për shkak të mospajtimit rreth tekstit të deklaratës e me qëllim të harmonizimit të tij, Kuvendi ndërpreu punimet dhe autorizoi kryetarët e grupeve që të merren vesh, eventualisht, për tekstin final.
Por, marrëveshja për tekstin është arritur vetëm ndërmjet opozitës.
Kuvendi ende nuk i ka rifilluar punën.

© KOHA. Të gjitha të drejtat janë të rezervuara.