“As pushtet, as gjyqësi dhe as polici të shqiptarëve në veri të Kosovës”

28 Tetor 2016 - 14:37      

Marrëdhëniet me Kosovën kryetari i Serbisë Tomsilav Nikoliq i ka cilësuar të jenë pikën më të ultë pasi, sipas tij, “autoritetet prishtinase po përpiqen ta përvetësojnë pasurinë tonë në krahinë”, transmeton Koha.net.

Ai ka për TV Russia Today ka thënë se jemi miq me shumë vende në BE, por këto pesë shtete kanë vendosur të mos e njohin Kosovën jo vetëm pse jemi miq, por pse njohja do t’i sillte në situatë që të luftojnë për sovranitetin dhe integritetin e vet territorial.

“Serbia, sidomos nga viti 2012, kurrë më nuk do ta japë pëlqimin që shqiptarët të kryejnë detyrën si pushtet lokal, gjyqësi e polici në veri të Kosovës. Janë edhe disa enklava serbe por ato nuk kanë ndikim në emërimin e zyrtarëve që vijnë nga Prishtina”, citon FoNet të ketë thënë Nikoliq.

Ai ka përkujtuar inicimin e dialogut me Prishtinën, por ka thënë se shqiptarët e kërkuan qartas pavarësinë, se BE –ja deshi t’ju ndihmonte dhe se për këtë arsye nuk pati marrëveshje
“Tani Kombet e Bashkuara janë i vetmi mbrojtës yni. Këshilli i Sigurimit është trup i KB-së i cili kurrë nuk do ta njohë pavarësinë e Kosovës”, ka thënë ai duke shtuar se Serbia ka shumë probleme për çështjen e Kosovës me Bashkimin Europian.

© KOHA. Të gjitha të drejtat janë të rezervuara.