Sipas Gjuriqit, Beogradi do dialog, Kosova provokon

28 Tetor 2016 - 12:54      

Beograd, 28 tetor – Beogradi është i përkushtuar me korrektësi për dialog, si mënyrë për zgjidhjen e mospajtimeve, ndonëse Prishtina në kohë të fundit me akte të njëanshme provokuese po bën çdo gjë për t’i penguar bisedimet. Kështu tha drejtori i Zyrës për Kosovën, Marko Gjkuriq, gjatë një bisede me ambasadorin e Norvegjisë në kryeqytetin serb, Arno Sanes Bjornstad.

Siç është shprehur Gjuriq, shqetëson sidomos fakti se provokimet e Prishtinës sipas rregullit janë të orientuara në kufizimin e të drejtave dhe lirive të popullit serb në Kosovë, që vërteton edhe një herë faktin se elita politike shqiptare nuk dëshrtion të krijojë një shoqëri të qëndrueshme multietnike, transmeton Koha.net raportimin e medieve të Beogradit.

Beogradi, sipas Gjuriqit, do të vazhdojë të punojë me sinqeritet për përmirësimin e marrëdhënieve midis popullit serb e shqiptar dhe për krijimin e kushteve për qarkullim normal të njerëzve, mallrave dhe shërbimeve ndërmjet Serbisë Qendrore dhe Krahinës jugore, siç vazhdon ta quaj ai shtetin e Kosovës, transmeton Koha.net.

Gjuriq, ka falënderuar Qeverinë norvegjeze për ndihmën që ka dhënë në vazhdimësi për rindërtimin, rekonstruktimin dhe pajisjen e manastireve dhe kishave serbe në Kosovë, për të çka nga viti 2008 ka dhënë rreth 4,5 milionë euro ndihma.

Në njoftimin për medie, siç raportohet, se Gjuriq ka tërhequr vëmendjen e Bjornstadit për përdhosjen në vazhdimësi të kishës së Krishtit Shpëtimtar në Prishtinë, si një shembull ilustrues për marrëdhëniet e strukturave të atjeshme ndaj pronës së kishës ortodokse serbe.

© KOHA. Të gjitha të drejtat janë të rezervuara.