Kreu i OVL të UÇK-së thotë se EULEX-i ka gjykata sikur të Serbisë

27 Tetor 2016 - 23:50      

Kryetari i ri i Organizatave të Veteranëve të Luftës së UÇK-së, Hysni Gucati, ka thënë se me dënimin e grupit “Drenica II” dhe Gjykata Speciale, janë duke u munduar që t’i krahasojë çlirimtarët me kriminelët e Serbisë.

Ai ka thënë se në rrafshin e gjykimeve të padrejta, EULEX-i dhe Serbia janë të njëjta, transmeton Koha.net.

“Në gjykim janë të njëjta EULEX-i dhe Serbia. Kanë montuar raste. Ne kemi kërkuar që të hiqet EULEX-i nga Kosova, ne kemi gjykata dhe të mbetet në dorë të tyre”, ka thënë Gucati, teksa ka shtuar se nuk ka pasur krime lufte nga UÇK-ja, e ata që duhet dënuar shëtitën në Veri të Mitrovicës dhe Graçanicë.

Kurse debati i sotëm, për Gucatin është sa për sy e faqe. Ndërsa mundësia e protestave është duke u shqyrtua.

Gucati ka pranuar se deri në vitin 2010 kam qenë aktiv në PDK, por më nuk është, duke siguruar se nuk do të ketë ndikime politike tek ai.

© KOHA. Të gjitha të drejtat janë të rezervuara.