UÇK-ja nuk ka vrarë civilë, thotë Çeku

27 Tetor 2016 - 21:03      

Ish-komandanti i Shtabit të Përgjithshëm të UÇK-së, Agim Çeku ka thënë se kur nuk mundën ta zhbëjnë UÇK-në, filluan t’i godasin njerëzit e UÇK-së me procese gjyqësore.

Çeku theksoi se u fol shumë për vlerat e UÇK-së, e vlera më e madhe e UÇK-së është lufta e pastër, ku siç tha ai nuk do mbetet në histori që UÇK ka bërë luftë kundër civilëve.

“Atëherë kur nuk munden ta zhbëjnë UÇK-në, filluan t’i godasin njerëzit e UÇK-së me procese gjyqësore. Ne duhet ta mbrojmë UÇK-në. Serbia nuk ka hequr dorë nga Kosova. Projekti i Serbisë është që Kosova të dështojë si shtet. E kemi votuar Gjykatën Speciale edhe pa dëshirën tonë, se kemi thënë se jemi të gatshëm të dalim para drejtësisë”, ka thënë deputeti i PDK-së, përcjell ksp.

Ai ka përmendur gjyqet vendore dhe ndërkombëtare, por ka theksuar se gjyqi më i rëndësishëm është ai i popullit.