BBC: Dashuria mes Kosovës dhe Clintonëve

27 Tetor 2016 - 15:02      

Pak ditë para zgjedhjeve presidenciale në Shtetet e Bashkuara të Amerikës, BBC ka shkruar një artikull për lidhjen e Kosovës me familjen Clinton, por edhe me Amerikën në përgjithësi.

Në artikullin e gjatë të televizionit britanik janë përmendur rrugët dhe bulevardet me emrat e presidentëve amerikanë.

“ ‘Bulevardi Bill Klinton’ është nderim nga shqiptarët në Kosovë që e mbajnë në rrugën kryesore”, thuhej në shkrimin e BBC-së.

“Prishtina nuk ka vetëm rrugë për nder të tij. Gjithashtu ka vendosur një statujë të Bill Clintonit, më të madhe se trupi i tij, dora e tij shpreh mikpritjen. Ishte vetë presidenti që zbuloi monumentin gjatë vizitës së tij në Prishtinë në vitin 2009”, thuhej më tej.

“Ky adhurim shtrihet në tërë familjen e Clintonit. Vetëm pak metra statujës, është një butik i femrave me emër të Hillaryt. Kjo edhe më shumë i shton elemente aferës”, shkruan BBC.

“Ne vlerësojmë lart familjen Clinton”, ka thënë Elda Morina, anëtare e familjes që ka hapur dyqanin me emrin e Hillaryt në Prishtinë, transmeton Koha.net.

“Ata mundësuan që gjithë bota të mësojë problemet tona. Fal tyre të gjithë e dinë se kush janë kosovarët. Bill Clintoni është presoni që zbuloi vuajtjet tona – që prej atëherë të gjithë kemi simpati ndaj familjes Clinton”, thotë ajo.

BBC shkruan se shqiptarët vlerësojnë se Clintoni mundësoi bombardimet e NATO-s, të cilat i dhanë fund luftës në Kosovë gjatë vitit 1999.

© KOHA. Të gjitha të drejtat janë të rezervuara.