Veseli-Berishës: Mos i jep shumë zor, filloni peticionin

27 Tetor 2016 - 12:53      

Kryetari i Kuvendit të Kosovës, Kadri Veseli, iu ka përgjigjur deputetit të Nismës për Kosovën, Zafir Berisha, pasi ky i fundit ka kërkuar që presidenti i vendit, Hashim Thaçi, të shpallet tradhtar.

Veseli i ka thënë Berishës që të mos i jep zor shumë, dhe të mos e keqpërdor foltoren e Kuvendit për sulme të brendshme.

“Mos i jep shumë zor, filloni peticionin për këtë punë”, ka thënë Veseli, duke iu referuar deklaratës së Berishës, i cili kritikoi presidentin Thaçi, transmeton rtk.

“S’është mirë të shfrytëzohet foltorja e Kuvendit për sulme të brendshme. Nuk është mirë, kjo nuk është korrekte”, ka thënë Veseli.

Deputeti nga radhët e Nismës për Kosovën , Zafir Berisha, gjatë seancës së jashtëzakonshme të Kuvendit për vlerat e UÇK-së, ka thënë se legjislatura aktuale nuk ka moral të flasë për UÇK-në e madje as t’i shkojë në mendje që të flasë për të.