Çuni : Lufta e UÇK-së s’e ka marrë trajtimin e duhur

27 Tetor 2016 - 12:33      

Është fakt që lufta e UÇK-së duhet ta marrë trajtimin e duhur. Gjërat janë stërmadhuar, politizuar, përjashtuar, ka thënë deputeti i LDK-së dhe ish - komandanti i UÇK-së Anton Çuni , raporton KTV.

Shpesh dëgjojmë nëse lufta e UÇK-së ishte e shenjtë. Pajtohem edhe u bë, por nëse shumica e stafit komandues kaloj ë në procese gjyqësore, cila mbetet e shenjtë.

Prapa kujt paskan shkuar ushtarët kur komandantët e tyre akuzohen për krime lufte. Ne vetë i kemi krijuar parakushtet që sot të abuzohet me luftën, veteranët, familjet e dëshmorëve. Pse sot duhet të presim të tjerët të na trajtojnë me respekt. Nëse ne nuk japin gjykim të drejtë mes vete, si mund të presim nga gjykata. Jemi para aktit të kryer.

E sot mund të japim vetëm mbështetje morale nëse jo mbështetje, kjo është e sinqertë. Të gjithë i njoh personalisht. Isha për 6 muaj këshilltar ushtarak i Sylejman Selimit , derisa ai ishte komandant i FSK-së.

Po të mundja do ta kisha zëvendësuar për një kohë gjatë vuajtjes së dënimit, por kjo është vetëm gatishmëri personale, ka thënë ndër të tjera Çuni.

© KOHA. Të gjitha të drejtat janë të rezervuara.