Nuk po zbatohet Rregullorja e KPM-së për rregullimin kanaleve televizive [video]

26 Tetor 2016 - 19:25      

Pavarësisht teknologjisë së avancuar të përdorur nga shërbyesit kabllorë që shpërndajnë përmbajtje audio-vizuale, rregullorja e miratuar nga KPM-ja për këto shërbime nuk po gjen zbatim, raporton KTV.

Është dispozita 14.3, e cila tekstualisht thotë:
“I licencuari obligohet të sigurojë që përdoruesi të ketë mundësinë të bëjë riprogramimin e renditjes numerike të programeve në pranuesin e rrjetit, të cilin e posedon apo e shfrytëzon, njësoj sikurse edhe të drejtën e grupimit të programeve”.

Mirëpo, kjo mundësi nuk u është ofruar përdoruesve të këtyre shërbimeve dhe deri tash nuk është ndërmarrë asnjë hap nga ana e Komisionit të Pavarur për Media.
Kryetari i KPM-së, Adnan Merovci, thotë se ky proces është duke u monitoruar, pas ankesave që kanë marrë.
Merovci ka treguar edhe për ndryshimet që, sipas tij, janë bërë së fundi në këtë rregullore. E njëjta nuk është bërë publike fare në ueb faqen e KPM-së.

© KOHA. Të gjitha të drejtat janë të rezervuara.