Shefi i Sigurimit rus në Beograd, bisedon për “ekstremizmin në Kosovë”

26 Tetor 2016 - 18:36      

Sekretari i Këshillit të Sigurimit të Federatës së Ruse Nikolaj Patrushev po qëndron në Beograd për të biseduar edhe për Kosovën , njoftojnë medie serbe, transmeton Koha.net.

Siç njofton”Politika”, shefi i të gjitha shërbimeve speciale të Rusisë, Patrushev, takohet me kryetarin serb Tomislav Nikoliq dhe me zyrtarë të tjerë serbë edhe për situatën në rajon si dhe për sanksionet e përmendura të Serbisë kundër Rusisë.

Temë e bisedës, sipas paralajmërimeve nga Moska pritet të jetë edhe “ekstremizmi në Kosovë”, pasi siç thuhet atje, “Kosova edhe më tej mbetet vendstrehim për ekstremistët, të cilët po e përhapin ndikim në të gjitha drejtimet gjë, sigurisht, e shqetëson edhe Këshillin rus të Sigurimit”.

Nikolaj Patrushev është njeri i Putinit dhe mik personal i tij. Ai, kur Putin u bë kryeministër i Rusisë në vitin 1999, e ka zëvendësoi në postin e kreut Shërbimit federal të Sigurimit.

© KOHA. Të gjitha të drejtat janë të rezervuara.