Përkrahet puna e Ministrisë së Diasporës

26 Tetor 2016 - 17:06      

Sot, ministri i Diasporës, Valon Murati, me bashkëpunëtorët, raportoi para Komisionit Parlamentar për Punë të Jashtme të Kuvendit të Kosovës për punën e MeD-së, njofton kumtesa ministrore, transmeton Koha.net.

Në raportin e tij, ministri Murati prezantoi detajisht aktivitetet e realizuara nga MeD, por edhe sfidat me të cilat është ballafaquar gjatë realizimit të tyre. Në këtë takim u diskutua edhe rruga që duhet ndjekur në raport me diasporën tonë.

Murati mori përkrahje nga të gjithë anëtarët e komisionit, si nga deputetët e pozitës, po ashtu edhe nga ata të opozitës, të cilët i ofruan mbështetje atij dhe Ministrisë së Diasporës për punën që po e bën dhe qasjen ndaj diasporës.

Ministri Murati me bashkëpunëtorë u zotua se MeD-ja do të vazhdojë të punojë edhe më shumë, me gjithë buxhetin e vogël që ka, në mënyrë që lidhjet me diasporën të vazhdojnë të forcohen.

© KOHA. Të gjitha të drejtat janë të rezervuara.