Tahiri: Serbia do të obligohet në Bruksel të tregojë se ku janë të pagjeturit

26 Tetor 2016 - 14:04      

Ministrja për Dialog, Edita Tahiri, ka thënë se Asociacioni i komunave me shumicë serbe nuk do të krijohet pa u zbatuar marrëveshjet e arritura në Bruksel mes Kosovës e Serbisë.

“Nuk do të ketë Asociacion të komunave serbe pa u zbatuar 3 marrëveshjet të cilat Serbia i ka bllokuar. Nuk ka nisur asnjë proces për krijimin e Asociacionit dhe as që do të nis pa u zbatuar këto marrëveshje të cilat Serbia duhet patjetër t’i zbatoj pasi obligohet nga kapitulli 35 i BE-së, në të kundërtën do ta bllokoj veten”, ka thënë Tahiri para anëtarëve të Komisionit, raporton KTV.

Ndërkaq, ajo ka konfirmuar se çështja e parë që do të diskutohet në raundin e ardhshëm të bisedimeve në Bruksel është çështja e të pagjeturve.

“Serbia do të obligohet të tregojë vendndodhjen e të pagjeturve shqiptarë”, ka thënë ajo. 

© KOHA. Të gjitha të drejtat janë të rezervuara.