Seancë e jashtëzakonshme pas dënimit të “Grupit të Drenicës”

26 Tetor 2016 - 12:47      

Deputetë të Partisë Demokratike të Kosovës kanë nisur një iniciativë për mbledhjen e nënshkrimeve me qëllim të mbajtjes së një seance të jashtëzakonshme plenare ku do të diskutohej për rastin e dënimit të “Grupit të Drenicës”.

Zenun Pajaziti, shef i Grupit Parlamentar të PDK-së, ka konfirmuar për KTV-në se kryesia e Kuvendit do të mblidhet në orën 14:00.

“Në ora 14:00 do të mblidhet kryesia e Kuvendit dhe aty do të votohet për mbajtjen apo jo të kësaj seance”, ka thënë Pajaziti për KTV-në.

Ai gjithashtu ka shtuar se kjo ka ardhur me kërkesë të PDK-së.

Mësohet gjithashtu se kjo seancë, e cila pritet të mbahet në orët e pasdites së sotme, do të del me një deklaratë të përbashkët nga të gjitha grupet parlamentare në lidhje me dënimin e ish-udhëheqësve të UÇK-së.  

© KOHA. Të gjitha të drejtat janë të rezervuara.