Deklarata për demarkacionin peng i LDK-së e AAK-së

26 Tetor 2016 - 07:30      

Liderët e subjekteve kryesore politike ishin nisur të martën në një takim të përbashkët në një hotel në Prishtinë, me bindjen se do t’i jepnin rrugëzgjidhje demarkacionit me Malin e Zi, çështje për të cilën pushteti e opozita kanë polemizuar prej më shumë se një viti. Kanë dalë nga takimi pa u pajtuar, shkaku i një parashtese në dokumentin që planifikonin ta firmosnin, shkruan sot Koha Ditore.

Përfaqësuesit e PDK-së, LDK-së, LVV-së, AAK-së dhe Nismës ishin pajtuar në parim me draftdeklaratën e finalizuar pas disa takimesh të zhvilluara me ndërmjetësimin e Naim Rashitit, drejtor për Kosovë i Grupit për Hulumtimin e Politikave të Ballkanit.

Sipas burimeve të gazetës, të hënën mbrëma AAK-ja kishte kërkuar që të ndërhyhej në fjalinë që flet për pajtueshmërinë rreth shqyrtimit të Marrëveshjes së demarkacionit. Ky subjekt politik ka kërkuar që fjala “shqyrtim” të zëvendësohet me “rishqyrtim”.
(Tekstin e plot mund ta lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.