“LDK ka punë brenda vetes para zgjedhjeve”

25 Tetor 2016 - 21:05      

LDK duhet të jap përgjegjësi në dështim për ta përfunduar mandatin para se të shkoj në zgjedhje. Opinionistja, Besa Luzha në Rubikon të KTV-së duke debatuar mbi mundësinë e zgjedhjeve ka thënë se LDK fillimisht ka punë brenda subjektit.

“LDK para se të shkoj në zgjedhje ka punë brenda. Dikush duhet të jap përgjegjësi që nuk kanë arritur ta cojnë deri në fund mandatin, është përgjegjësi e elektoratit dhe strukturës së tyre”, ka thënë Luzha.

Opinionisti, Arben Ahmeti në Rubikon të KTV-së duke debatuar mbi mundësinë e zgjedhjeve ka thënë se mënyra e të menduarit në PDK e LDK është pasurimi e jo mirëqenia.

Ai ka thënë se individët aktual në katër partitë politike duhet të shkojnë në pension.

“Mënyra e të menduarit në PDK e LDK është pasurimi e jo mirëqenia”, ka thënë ai.

“Janë katër parti që përbëhen nga individë të cilët i ka bashkuar ideali për clirimin e vendit. Njerëzit e këtij ideali e kanë arritur këtë ideal dhe tash e mendojnë pasurimin e tyre. Krejt cka duhet me ju ndodh këtyre njerëzve është t’i cojmë në pension”, theksoi tutje Ahmeti.

© KOHA. Të gjitha të drejtat janë të rezervuara.