Tenderi i katërt i Policisë së Kosovës për furnizimin me këpucë [video]

25 Tetor 2016 - 19:22      

Me 17 nëntor, Policia e Kosovës do të tentojë të përzgjedhë furnizuesin e saj për këpucë, pas gati 2 vjetësh dështim, raporton KTV.

Pavarësisht gjykimeve dhe rigjykimeve të bëra në gjykatën e tenderëve dhe 3 herë anulimin e këtij tenderi, Policia e Kosovës është detyruar të nisë nga e para procesin e tenderimit dhe ofertat do të hapen më 17 nëntor.

Pavarësisht që kompania SOLID tri herë dështoi të marrë këtë tender, u ankua në Gjykatën Themelore, duke kërkuar shtyrjen e ekzekutimit të aktit administrativ, me pretendimin se kishte dëme të pariparueshme.

Gjykata hodhi poshtë kërkesën e kësaj kompanie.
Të njëjtën përgjigje SOLID-i e mori edhe nga Gjykata e Apelit, e cila ndër të tjera theksoi se pretendimet ankimore nuk kanë ndikim për të vendosur për një mënyrë tjetër dhe se ankesa refuzohet derisa aktvendimi i Themelores të vërtetohet si i drejtë dhe i ligjshëm.

Por pavarësisht që kërkesa e tyre për pezullim u hodh poshtë nga Gjykata e Apelit, Solid ka paralajmëruar se do të vazhdojë të kërkojë drejtësi edhe nëse rasti do disa vjet për t’u zgjidhur.
Tenderi në gushtin e 2015-ës ishte anuluar me pretendimin se ishte kurdisur, pasi kompania që ishte me çmim më të ulët e që ishte distributori i “Solidit”, u tërhoq nga gara pa shpjegim.

Tender i katërt i Policisë së Kosovës për... by kohanet

© KOHA. Të gjitha të drejtat janë të rezervuara.