Ministrja Bajrami thotë se nuk mund t’i bëhet reciprocitet Serbisë [video]

25 Tetor 2016 - 19:15      

Zgjatja në pafundësi e marrëveshjes së kodit telefonik dhe pamundësia e shfrytëzimit të linjës 400 kilovoltëshe me Shqipërinë kanë bërë bashkë pushtet e opozitë, duke kërkuar që Kosova të nisë menjëherë masat e reciprocitetit ndaj Serbisë, raporton KTV, raporton KTV.

Deputetë të dy taborëve kanë kërkuar që të gjendet mënyra për të dënuar shtetin fqinj, pasi nga mosrealizimi i dy marrëveshjeve, Kosova po vazhdon të humbë shumë para.

Këto kërkesa u adresuan në Komisionin për Zhvillim Ekonomik, ku ishte thirrur për të raportuar ministrja e Tregtisë dhe Industrisë, Hykmete Bajrami.

Por, një kërkesë e tillë ka pak gjasa të realizohet, vetëm nëse organet e larta shtetërore marrin një vendim tjetër.
E njëjta ka pranuar se kanë rënë investimet e jashtme dhe është rritur numri i kompanive që po shuhen, por ka thënë se për këtë nuk duhet akuzuar vetëm kjo ministri, pasi edhe të tjerat kanë përgjegjësi në këtë proces.

Sa i përket Brezovicës, nuk e ka përjashtuar mundësinë që letrat e Gjuriqit të kenë ndikuar te kompanitë.
Pavarësisht raportit të prezantuar, i njëjti është quajtur i mangët dhe të gjithë anëtarët e këtij komisioni adresuan një numër të madh të ankesave ndaj punës së ministres, për çka kjo e fundit nuk e priti fare mirë.

Ministrja Bajrami thotë se nuk mund t’i bëhet... by kohanet

© KOHA. Të gjitha të drejtat janë të rezervuara.