Kushtetuesja hedh poshtë kërkesën e Listës serbe për pensionet

25 Tetor 2016 - 16:35      

Gjykata Kushtetuese ka hedhur poshtë kërkesën e Listës Serbe për vlerësimin e Kushtetutshmërisë për Udhëzimin administrativ të Ministrisë së Punës dhe Mirëqenies Sociale për ndalimin e pensioneve për qytetarët që nuk kanë vendbanim rezident në Kosovës, raporton KTV.

Sipas Kushtetueses, Gjykata nuk mund të vendosë nëse lënda nuk është ngritur para gjykatës në mënyrë ligjore nga palët e autorizuara.

“Gjykata ka vlerësuar se nuk është përmbushur obligimi kushtetues lidhur me natyrën juridike të aktit që mund të kontestohet sipas nenit 113.5 meqë parashtruesit e kërkesës nuk kontestojnë ndonjë ligj apo ndonjë vendim të miratuar në Kuvendit, por kanë kontestuar paragrafët 2, 3 dhe neni 4 të Udhëzimit Administrativ të nxjerrë nga Ministria e MPMS-së”, thuhet në vlerësimin e Kushtetueses.

Kushtetuesja sot ka hedhur postë edhe kërkesën tjetër të Listës Serbe që ka kontestuar kushtetutshmërinë e Ligjit për Agjencinë Kosovare për Krahasim dhe Verifikim të Pronës, të cilin kjo listë e vlerësonte si shumë të rëndësishëm për komunitetin serb.

© KOHA. Të gjitha të drejtat janë të rezervuara.