Hoti: Drejtori i Doganës do të zgjidhet vetëm në bazë të meritës dhe profesionalizmit

25 Tetor 2016 - 12:17      

Ministri i Financave, Avdullah Hoti, ka bërë me dije se javën që shkoi, ministria që ai drejton e ka anuluar konkursin për Drejtor të Doganës për, siç ka thënë ai, të bërë të mundur zbatimin e marrëveshjes së nënshkruar nga Kryeministri Isa Mustafa dhe Kryetari i Kuvendit Kadri Veseli me Ambasadorin e Mbretërisë së Bashkuar, Ruairi O’Connell.

Sipas kësaj marrëveshjeje, parashihet që ekspertët ndërkombëtarë do të angazhohen në mbikëqyrjen e procesit të zgjedhjes së drejtorit që nga fillimi.

“Përmes kësaj qasjeje, sigurohet transparencë e plotë në procesin konkurrues dhe përzgjedhje e drejtorit vetëm në bazë të meritës dhe profesionalizmit”, ka thënë Hoti, raporton Koha.net.

Ai ka siguruar të gjithë aplikantët se ky proces do të jetë model se si duhet përzgjedhur njerëzit në pozita të larta publike. 

© KOHA. Të gjitha të drejtat janë të rezervuara.