Afër pajtimi për demarkacionin

25 Tetor 2016 - 07:30      

Është afër dakordimit një deklaratë që pret firmën e liderëve kryesorë politikë, me të cilën synohet të marrë rrugëzgjidhje çështja e shënimit të kufirit me Malin e Zi.

Midis të tjerash, draftdeklarata flet për mekanizma që do të krijohen për ta adresuar demarkacionin, shkruan sot Koha Ditore.

Prej muajsh, dokumenti është në negocim nga eksponentë të subjekteve kryesore parlamentare, të cilët kanë zhvilluar disa takime me ndërmjetësimin e Naim Rashitit, drejtor për Kosovë i Grupit për Hulumtimin e Politikave të Ballkanit.

Deklarata pritet të finalizohet të martën, për të cilën ditë është thirrur takimi i radhës. Ndryshime thelbësore janë bërë në versionin e fundit të saj, krahasuar me atë paraprak që është publikuar muajin e shkuar. (“Koha Ditore” ka siguruar të hënën një kopje të draftit, ndërsa detajet mund t’i lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.