Mamografi mobil i suksesshëm, pavarësisht mungesës së stafit [video]

24 Tetor 2016 - 20:20      

Muaji tetor po shënohet tash e disa vjet si muaj i vetëdijesimit për kancerin e gjirit. Aktivitetet në kuadër të këtij muaji zyrtarë institucionalë po i shfrytëzojnë për të dhënë deklarata premtuese për përmirësim të kushteve e të trajtimit.

Por, krejt ndryshe paraqitet situata në teren. Nga dhjetori i vitit të kaluar në mamografin mobil një nga teknikët punon vetëm nga vullneti i tij i mirë e pa pagesë, raporton KTV.

Njësoj si ai ka qenë edhe kolegu tjetër teknik, për të cilin SHSKUK-ja bëri zgjidhje me buxhetin e vet për të mos e lënë shërbimin keq.

Megjithatë, përmes kësaj aparature, që aktualisht është në Dragash, vetëm këtë vit janë ekzaminuar mijëra gra, e nga fillimi i projektit janë diagnostikuar mbi 40 me sëmundjen e kancerit të gjirit.

Më shumë se për kontributin e shëndetit të gruas, mamografi mobil u shfrytëzua për përfitime politike e personale.

Iniciativa për të mbledhur fonde që të sigurohet një i tillë zgjati me vite, e ajo kohë shfrytëzohej për fjalë miradije të grupit të grave deputete. 

© KOHA. Të gjitha të drejtat janë të rezervuara.