Mustafa këmbëngul se Trepça nuk do të shkojë në Bruksel [video]

24 Tetor 2016 - 19:17      

Kryeministri i Kosovës, Isa Mustafa, ka ripërsëritur se ‘Trepça’ nuk do të shtrohet asnjëherë në bisedimet e Brukselit, duke iu përgjigjur kështu zërave që kanë ngritur në debat këtë mundësi.

Ndërkohë, që ka deklaruar se është e drejtë e gjithsecilit që të ankohet, por ka thënë se ministrat serbë nuk janë të thirrur për të mbajtur takime në Bruksel për ‘Trepçën’, pasi kjo temë është e mbyllur, raporton KTV.

Në vizitën e bërë ‘Trepçës’, Mustafa ka thënë se me ligjin e ri është bërë e mundur që kësaj ndërmarrjeje dhe minatorëve t’u krijohet një ardhme më e mirë.

Nga ana tjetër, menaxhmenti i ‘Trepçës’ në jug ka premtuar punë dhe përkushtim pasi ligji të hyjë në fuqi.

Kryeministri Mustafa ka pasur takim edhe me kryetarin e Mitrovicës, Agim Bahtiri, të cilit i ka premtuar më shumë buxhet dhe ndihmë në infrastrukturë, arsim, shëndetësi, si dhe në përballimin më të lehtë të nevojave të banorëve të shpërngulur nga veriu në jug.

© KOHA. Të gjitha të drejtat janë të rezervuara.