Veseli flet sërish për zgjedhje, Mustafa thotë se ato mbahen më 2018 [video]

24 Tetor 2016 - 19:13      

Mundësia e zgjedhjeve të parakohshme sërish është përmendur nga partia më e madhe në pushtet, pavarësisht pse kreu i PDK-së po e paraqet si të fortë e stabil koalicionin qeverisës.

Kadri Veseli thotë se nuk bëhet kiameti nëse shkohet në zgjedhje para 2018-ës, por thotë se për këtë duhet të ketë konsensus mes të gjitha partive, raporton KTV.

Por, me opozitën aktuale Veseli thotë se është problem të ketë kompromis.

Kreu i LDK-së, që është në krye të qeverisë, thotë se zgjedhjet do të jenë në 2018-ën.

Ndërsa, shefi i deputetëve të LDK-së thotë se qeveria nuk është vetëm e një partie politike, por e koalicionit.

Partitë opozitare kërkojnë që sa më shpejt të jetë e mundur të shpallet data e zgjedhjeve.

Për herë të parë mundësinë e zgjedhjeve kryeparlamentari e kishte deklaruar në ‘Kohën Ditore’, duke e lënë të hapur mundësinë që rrugëdalja për demarkacionin të kërkohet edhe nëpërmjet zgjedhjeve të parakohshme.

© KOHA. Të gjitha të drejtat janë të rezervuara.