Rama premton rritje pagash në arsim

24 Tetor 2016 - 14:46      

Kryeministri Rama zhvilloi një takim me pedagogë të universiteteve publike ku foli jo vetëm për sa i përket rritjes së pagave të atyre që punojnë në arsimin e lartë. Sipas Ramës, numri i studentëve i regjistruar në vitin e parë hedh poshtë akuzën se Qeveria e tij ka punuar në favor të privatit.

Por kryeministri nguli këmbë te ideja e tij se nuk duhet të ketë një ndarje mes arsimit publik dhe atij privat, për sa kohë ky i fundit e ka të ndaluar të jetë një sipërmarrje fitimprurëse, transmeton ABC.

Prindërve dhe nxënësve të pakënaqur me sistemin e ri të pranimit të maturantëve në universitete, Edi Rama u tha të mos ngatërrojnë të drejtën me meritën.

Gjatë një takimi që zhvilloi me pedagogë mbi çështjet e arsimit të lartë, Rama theksoi se vetë numrat mbi regjistrimet e studentëve në vitin e parë hedhin poshtë akuzën e adresuar shpesh ndaj tij se ka punuar në favor të privatit.