Hyseni: Vendimi për vizat mund të vonohet vetëm nga mosveprimi ynë

22 Tetor 2016 - 08:54      

Ministri i Punëve Të Brendshme, Skënder Hyseni, ka shprehur bindjen se Kosova nuk duhet t’i lë hapësirë për ndonjë alibi a pretekst vendeve që janë në mëdyshje rreth vendimit për heqje vizash për kosovarët.

“Zvarritja e një vendimi pozitiv për vizat mund të vie vetëm si pasojë e mosveprimit tonë. Është tërësisht e papranueshme dhe e padrejtë që vetëm qytetarët e Kosovës të mbahen të izoluar dhe nën regjim vizash. Por është po aq evidente se ngurrimi dhe dilemat rreth kësaj çështje në ndonjë vend të Zonës Schengen janë serioze”, ka thënë Hyseni.

“Pra, këtyre vendeve që edhe ashtu kanë dilema rreth heqjes së vizave për Kosovën nuk duhet ofruar asnjë alibi apo pretekst shtesë që të do të shkaktonte zvarritje shtesë, deri në ndonjë vendim kundër. Mungesa e veprimit është e pajustifikueshme”, ka shtuar ai.

© KOHA. Të gjitha të drejtat janë të rezervuara.