Dështimi i deputetëve pozitë-opozitë për deklaratë të përbashkët thekson edhe më dallimet [video]

21 Tetor 2016 - 19:05      

Komisioni për Punë të Jashtme ka përmbyllur takimin, pa e arritur një konsensus me të gjithë përfaqësuesit e pozitës dhe opozitës për draft-deklaratën, përmes së cilës do t’i kërkohet Bashkimit Evropian që t’ia heqin si kusht demarkacionin për liberalizimin e vizave.

Opozita ka kërkuar që në draft-deklaratë të përfshihen edhe propozimet e tyre, e ku kërkohej që çështja e demarkacionit të rishikohet, raporton KTV.

Kështu në kryesi, ka shkuar draft-deklarata që e lexoi Elmi Reçica dhe tri propozimet e opozitës, Vetëvendosjes, AAK-së e Nismës.

Takimi i parë i komisionit kishte ndodhur të martën me kryetarin e Kuvendit Kadri Veseli, ku ai ishte shprehur i bindur se do të kishte konsensus.

Por, kjo iniciativë e Kuvendit nuk i ka pëlqyer raportueses për çështjen e vizave për Kosovën në Parlamentin Evropian, Tanja Fajon.

Ajo ka thënë se nëse me këtë deklaratë hapet çështja e kufirit, atëherë Komisioni Evropian apo shumë shtete anëtare do të mund ta shfrytëzonin këtë për vazhdimin e mëtutjeshëm të bllokadës, për sa i përket liberalizimit të vizave për Kosovën.

Dështimi i deputetëve pozitë-opozitë për... by kohanet

© KOHA. Të gjitha të drejtat janë të rezervuara.