Delegacioni i KQZ të Kosovës në Shqipëri

21 Tetor 2016 - 13:29      

Sot në Komisionin Qendror të Zgjedhjeve të Republikës së Kosovës qëndroi për vizitë një delegacion i Komisionit Qendror të Zgjedhjeve i Republikës së Shqipërisë, njofton kumtesa nga KQZ, transmeton Koha.net.

Thellimi i bashkëpunimit ndërmjet dy institucioneve si dhe anëtarësimi i KQZ-së së Kosovës në Asociacionin e Zyrtarëve Zgjedhor Evropian (ACEEEO) ishin temat kryesore të këtij takimi.
Në takim kryetarja Valdete Daka solli në vëmendje anëtarësimin në ACEEEO me të drejta të plota të KQZ-së së Kosovës.

“Tani edhe Republika e Kosovës e ka vendin e vet në ACEEEO dhe ne besojmë se si trupa menaxhuese të zgjedhjeve mund të përfitojmë në ngritjen profesionale”, tha Daka, duke shprehur falënderim për KQZ-në e Shqipërisë për mbështetjen e madhe që ka dhënë në këtë drejtim.

Ndërsa, kryetarja e KQZ-së së Shqipërisë, Lefterije Luzi përgëzoi edhe një herë Komisionin Qendror të Zgjedhjeve për anëtarësimin në ACEEEO, duke u bërë anëtari i 25-të inctitucional i këtij Asociacioni.

Në vazhdim të takimit, kryetarja e KQZ-së, Daka ndau mirënjohje për Komisionin Qendror të Zgjedhjeve të Republikës së Shqipërisë dhe kryetaren e këtij institucioni, Luzin për mbështetjen e dhënë Komisionit Qendror të Zgjedhjeve të Republikës së Kosovës për anëtarësim në ACEEEO.

Në fund të takimit, anëtarët e të dy institucioneve u dakorduan për thellim të bashkëpunimit dhe se mund të përfitohet nga përvojat gjatë proceseve zgjedhore.

© KOHA. Të gjitha të drejtat janë të rezervuara.